ішкі істер органдары Жайық-Каспий бассейні аумағында өткізген «Бекіре» профилактикалық шарасын қорытындылады, деп хабарлайды Malim.kz.
Polisia.kz жазуынша, екі ай ішінде браконьерлік, балық және балық өнімдерінің заңсыз айналымының 292 дерегі анықталып, жолы кесілді. Соларға қатысты 62 қылмыстық іс қозғалды, 230 әкімшілік құқықбұзушылық анықталды, 4,7 млн-нан астам теңге айыппұл салынды. Құқық бұзушылардан 10 тоннаға жуық балық, оның ішінде 2 тоннаға жуық бекіре тұқымдас балық, 75,5 кг уылдырық, 12 жүзу құралы, сондай-ақ, 29 кг шаян тәркіленді.
Мысалы, Атырау облысы Жаңаталап ауылының маңында полиция қызметкерлері Нива автокөлігін тоқтатты. Көлікті тексеру барысында 72,6 кг балық, оның ішінде 18,5 кг бекіре тұқымдас балық табылды. Тағы бір факт Астрахань – Атырау тасжолында тіркелді. Полицейлер Toyota көлігін тоқтатып, 445 кг балық тәркіледі. Жүргізушінің айтуынша, балық жолаушыға тиесілі болған. Барлық факті бойынша сотқа дейінгі тергеу басталды, делінген ресми хабарламада.
Фото:
Байланысты жаналықтар
MalimBlocks
