Атырауда блогерлер балағаттаған күзетші көз жұмды
«Мемлекеттік сараптама орталығы» мемлекеттік мекемесінің күзетшісі жұмыс орнында болған оқиғадан кейін денсаулығы күрт нашарлап, ауруханаға түскен. 56 жастағы ер адам көп ұзамай көз жұмды.
«Патриот» телеграм арнасының мәліметінше, мекеме күзетшісі Хәкім Иманиязовтың артында үш баласы қалды.
Мекемеге бірнеше адам келіп, бірқатар заң бұзушылықтарды айтып, телефонның камерасына түсіре бастайды. Олар өздерін блогер деп таныстырған. Мемлекеттік тудың жоғын, турникеттің жұмыс істемейтінін, сондай-ақ өрт қауіпсіздігі ережелері сақталмағанын айтып, мекеме басшысын шақыртады. Тіпті, өз беттерімен ғимаратқа кірмек болады. Бұларды турникеттен ары қарай өткізбеген күзетшіні балағаттап, жанжал шығарған. Оның аяқ-киіміне тиісіп, «сен кімсің?», « бомжсың ба?», «сен еркек емессің» деп тіл тигізген. Осыдан кейін Иманиязовтың жағдайы күрт нашарлап, жедел жәрдем шақыртады.
«Патриот» телеграм арнасына берген сұқбатында күзетшінің әйелі Мариям өзінің қызметтік міндетін атқарған күйеуіне қорлық көрсеткен блогерлерді жауапқа тартатынын айтты.
«Мемлекеттік сараптама орталығы» мемлекеттік мекемесі олардың үстінен полицияға арыз түсірді. Оқиғаның бейнежазбасы тергеушіге берілді.
Фото: Видеодан скрин
Самое читаемое
