Қонаевта оқушылар жабылып ұрып қатарластарын жансақтау бөлімінен бір-ақ шығарды
Полиция басқармасында іс тіркеліп, тергеу амалдары жүріп жатыр.
Алматы облысының орталығы Қонаев қаласының кіре берісінде мектеп оқушылары қатарласын топ болып, соққыға жығып, жансақтау бөліміне түсірген, деп хабарлайды Malim.kz.
Бұл туралы журналист Гүлмира Әбіқай жазды.
Алматы облысының орталығы Қонаев қаласы. Кеше ғана 9-сынып оқушылары топтасып өз сыныптасын өлімші етіп ұрып тастаған. Бала жансақтау бөліміне түсті, қазір ауруханада, - деп жазды Гүлмира Әбіқай.
Алматы облысының білім басқармасы оқиғаға қатысты пікір білдірді.
Аталған мәселе бойынша Білім бөлімі тарапынан арнайы комиссия құрылды. Істің мән-жайы анықталуда. Полиция басқармасында іс тіркеліп, тергеу амалдары жүріп жатыр. Бүгінде оқушыға психологиялық көмек берілді. Жасөспірім ауруханада ем қабылдап жатыр, - деп хабарлады білім басқармасы.
Фото: Instagram/gulmir_ktk
Байланысты жаналықтар
MalimBlocks
