СҚО-дағы Тепличное ауылынан тұрғындарды эвакуациялау жұмыстары басталды, деп хабарлайды Malim.kz.
Бұл шешім азаматтардың өмірі мен денсаулығын қорғау мақсатында қабылданды. Эвакуация 25 сәуір күні 15:00-ден 18:00-ге дейін жүргізілуде. Көшіру қажет болған жағдайда көмек көрсету үшін арнайы көлік және жедел жәрдем ұйымдастырылған.
Әр түрлі сұрақтар бойынша 87153821201 телефонына хабарласуға болады.
Тұрақты орналасу үшін эвакуациялық пункттер Бесколь ауылындағы №2 орта мектепте және Петропавл қаласындағы Жұмабаев көшесіндегі жатақханада дайындалған. Оқиға орнында төтенше жағдайлар қызметі, жергілікті атқарушы органдар және басқа да жедел қызметтер жұмыс істеуде.
Тепличное ауылында бөгет салу жұмыстарын күшейту жалғасуда.
Фото: ТЖМ
