«Жолсерік пен пойыз бастығы тексерушіге күш қолданған». ҚТЖ түсініктеме берді
Тексеру барысында вагонда рәсімделмеген жүк анықталған
ҚТЖ пойызын тексеріп жатқан менеджерге вагон жолсерігі мен пойыз бастығы дөрекі сөйлеп, күш көрсеткен, деп хабарлайды Malim.kz.
ҚТЖ баспасөз қызметі таратқан ақпаратқа қарағанда, пойыздық бригадасын бақылау жөніндегі бас менеджерлер Тараз-Шымкент учаскесінде «Маңғыстау – Алматы» қатынасындағы №77 жолаушылар пойызына тексеру жүргізген. Тексеру барысында 8-вагонында Түрксіб станциясынан Шымкент станциясына дейін жалпы салмағы 108 келі ресімделмеген багажды тасымалдағаны анықталған.
Жолаушылар вагоны жолсерігіне қатысты заңбұзушылыққа байланысты нөлдік төзімділік қағидатына негізделген шаралар қабылданып, жолсерікпен еңбек шарты бұзылған.
Сонымен қатар, жолсерік пен пойыз бастығы пойыз бригадасының жұмысын бақылауды жүзеге асырған қызметкерге тексеру барысында дөрекі сөз сөйлеп, күш қолданған.
Қазір денсаулыққа жеңіл зиян келтіру дерегі бойынша қылмыстық іс қозғалып, тергеу жүріп жатыр.
Фото: ҚТЖ
Байланысты жаналықтар
MalimBlocks
