Киевке жеткізілген америкалық Abrams және Leopard 2 танктері денсаулыққа аса зиян екен. Ол әскери қақтығысты өршітіп қана қоймай, құрамындағы уран бейбіт тұрғындардың денсаулығына қауіп төндіреді. Ресейдің әскери сарапшысы Константин Сивков осындай мәлімдеме жасады. «Атыс көлігі онкологиялық аурулардың өршуіне алып келеді»,- деп дабыл қақты Сивков.
Орыс басылымдары америкалық танктердің Украинаға әкелінуін Мәскеу «өрескел арандатушылық» деп санайтынын жазып жатыр.
Сарапшы «Бұл танктердің оқ – дәрілеріне уран қосылған деп санайды. Ол броньды тесіп шығатын күшке ие. Мұндай снарядтарды Ресейде қолдану ядролық қаруды сынау ретінде қарастырылуы керек», - деген Сивков.
Алайда БҰҰ-ның ресми сайтында осы "уран қалдығы" туралы ақпарат жарияланды.
Біріккен Ұлттар Ұйымының Атом радиациясы жөніндегі Ғылыми комитеті уран, оның адам ағзасына енуі туралы айтты. Комитет уранның радиоактивті сәулеленуінің әсерінен клиникалық маңызды ауытқулар болмайды деген қорытындыға келді.
Фото: Theins.ru
