АҚШ-та қауіпсіздікке байланысты TikTok әлеуметтік желісін пайдалануға тыйым салатын заң күшіне енді, деп хабарлайды ВВС.
Осыған дейін қытайлық ByteDance компаниясы платформаны сату туралы шешім қабылдаған, ол заңның күшіне енуінен бұрын АҚШ-та жұмысын тоқтатты. Платформа қолданушылары қосымшаны ашқанда оның қолжетімсіз екендігі туралы хабарлама алады.
Қосымшаның хабарламасында: «АҚШ-та TikTok әлеуметтік желісіне тыйым салынды. Өкінішке орай, бұл сізге TikTok қолдануды тоқтату керек екенін білдіреді. Бізге президент Трамп бұл мәселені шешу үшін бізбен бірге жұмыс істейтінін айтты. Жаңартуларды күтіңіз», – деп жазылған.
Құқық қорғаушылар мен TikTok өкілдері заңның бұзылғанын, әсіресе бұл жағдай сөз бостандығын шектейтіні туралы айтып, АҚШ-тың 170 миллионға жуық қолданушысы үшін бұл шараның негативті әсерін түсіндірді. Сонымен қатар, TikTok компаниясы қытай үкіметі тарапынан манипуляция жасалып жатқанын үнемі теріске шығарды.
АҚШ-тың жаңа президенті Дональд Трамп заңды орындауды кейінге қалдыруды жоспарлап отыр, TikTok-тың болашағына қатысты саяси шешім қабылдау үшін уақыт қажет деп айтты. Сонымен қатар, TikTok компаниясы платформасын сату туралы әртүрлі ұсыныстарды қарастырғанымен, оның басшысы Шоу Зи Чу бұл сатуға қарсы шықты.
TikTok-ты толық бұғаттау қаупі АҚШ-тан басқа елдерде де бар, мысалы, Ұлыбритания мен Үндістанда осы желіні шектеуі мүмкін.
Фото: inoxprime.by
