Шығыс Қазақстан облысының әкімі Даниал Ахметов журналистерді сотқа беремін деп қорқытып отыр. Бұл жөнінде «Әділ сөз» баспасөзді қорғау қоры мәлімдеді.
Маусымның 24-і күні тараған мәлімдемеде ұйым Шығыс Қазақстан облысы әкімдігінің мүддесін қорғайтын «Ар-Бедел» қоғамдық қоры Exclusive.kz сайтынан 21 маусымда жарияланған «Почему Елбасы не стал ссориться с Абаем» және «Национальная буржуазия обьявила войну «агашкам»?» атты видео мен мақаланы өшіріп, терістеуді талап еткен. Аталмыш материалдарда Шығыс Қазақстан облысындағы «Абай арена» мәдени-спорт кешені туралы айтылған.
Шағымданушы тарап материалда «Шығыс Қазақстан облысы әкімдігі мен әкімінің беделіне нұқсан келтіретін, шындыққа жанаспайтын ақпараттар бар» деп есептейді.
«Әділ сөз» мәліметінше, «Ар-Бедел» қоры Exclusive.kz сайтына жолдаған шағымында ақпаратты терістеуі тиіс құжаттарды көрсеткен. Айғақ ретінде құжаттар тізімін келтірген. Бірақ құжаттардың өзін көрсетпеген.
«Ар-Бедел» қорының өкілі Альбина Бақтиярқызы БАҚ өкілдеріне «тізімде көрсетілген құжаттардың бар екенін және рұқсат етілсе журналистерге көрсететіндерін» айтты. Exclusive.kz сайтының бас редакторы Қарлығаш Ежанова «шешім құжаттарды көргеннен кейін қабылданатынын» мәлімдеді.
«Әділ сөз» қоры оқиғаны сөз бостандығының бұзылуы ретінде тіркеп, Exclusive.kz сайтына құқықтық көмек көрсететінін мәлімдеді.
Байланысты жаналықтар
MalimBlocks
