Даниал Ахметов тергелмейді, қылмыстық іске тартылмайды
Шығыс Қазақстан облысының әкімі Даниал Ахметов пен оның қоластындағы қызметкерлерінің жемқорлыққа қатысы дәлелденбепті.
Шығыс Қазақстан облысының әкімі Даниал Ахметов пен оның қоластындағы қызметкерлерінің жемқорлыққа қатысы дәлелденбепті.
Осы жаздың басында әлеуметтік желілерде Даниал Ахметовтың, оның ұлының және қоластындағы қызметкерлердің Шығыс Қазақстан облысындағы біраз жобаларды іске асырғанда заң бұзушылыққа барғаны жайында мәліметтер тараған болатын. Мәселен, Семейдегі «Абай-арена» құрылысы, Семей әуежайының реконструкциясы, Өскемен қаласындағы спорт кешендерін жөндеу және де басқалары. Жарияланған ақпаратқа сәйкес, әкім мен оның командасындағылар аталған жобаларды іске асыру кезінде жеке бас мүдделерін ойлаған, қитұрқылықпен молынан табыс тапқан.
Malim.kz тілшісі Сыбайлас жемқорлыққа қарсы агенттіктің басшысы Марат Ахметжановтан «жемқорлыққа қатысты тараған ақпараттар бойынша әкім Даниал Ахметовтің қызметіне тексеріс жүргізілді ме?», «Ахметов пен оның жақындарының жемқорлыққа қатысы дәлелденді ме?» деп сұрады. М. Ахметжанов өз жауабында Даниал Ахметовке қатысты тараған мәліметтің рас-өтірігін анықтау үшін Ішкі мемлекеттік аудит департаменті тексеріс жүргізгенін айтады.
«Тексеріс кезінде қылмыстық құқық бұзушылық жасалғаны анықталмады. Сондықтан Шығыс Қазақстан облысы әкімдігінің қызметкерлеріне қатысты сотқа дейінгі тергеу жүргізілген жоқ», – дейді агенттік басшысы.
Аделаида Ауеспекова
Фото: express-k.kz
Байланысты жаналықтар
MalimBlocks
Садақашыл қоғам мен уәдешіл үкіметтің бір жылы
Неге бұлай болды, неге адамдар өзіне қол жұмсайды, неге наразылыққа шыға береді, неге зейнет жасын төмендетуді сұрайды, неге жәрдемақыны көтеруді талап етеді деген зерттеулер жүргізілмейтін, тек әр оқиғаның салдарымен ғана күресетін және шамасы келгенше жылы жауып тастауға тырысатын мемлекетте тағы бір жылды өткіздік...