Депутаттар жоғарыда, журналистер жертөледе, Әшімбаев «биіктеп» барады

Журналистер депутаттарды мазаламау үшін Сенат осындай қадамға барған.

Malim Админ

  • 14.04.2022

Бүгін Сенаттың жалпы отырысына барған журналистердің көңілі су сепкендей басылды.  Сенат оларға жертөледен баспасөз залын сайлап қойыпты. Жаңа орынды көрген журналистердің шенеуніктерге өкпесі қара қазандай.  


Журналист  Әселім Қалкен бүгін әдеттегідей жалпы отырысқа келген. Бірақ Сенат әкімшілігі  оны үйреншікті баспасөз залына емес, жертөлеге қарай бағыттапты.     

«Бүгін бізге 8-ші подъезден кіріңдер деді. Шынымызды айтсақ, мұндай подъезд бар екенін білмеппіз. Сөйтсек, подвалдан орын беріпті. Аядай бөлмені жасақтап қойған. Терезесін де көрмедік. Ауа жоқ тіпті. Интернет те нашар ұстап тұр. Сығылысып әрең отырдық», - дейді ол.  

Журналистерге арналған баспасөз залы екінші қабатта орналасқан еді. Ол жерде БАҚ өкілдеріне тиесілі орын, отырысты көрсетіп тұратын экран болатын. Журналистерге  барынша қолайлы -тын. Бірінші қабатында отырыстар өтетін, осы жерден олар депутаттарды ұстап, сұхбат алатын.  Әселім Сенат орталық бөліктегі алаңға баннер қойғанын айтады. 

«Сол жерде депутаттар  журналистерге сұхбат береді деп мәлімделген. Қажет жағдайда депутаттар астыңғы қабатқа түсетін көрінеді», дейді әріптесіміз.    
Журналистің айтуынша, депутаттарды мазаламау үшін Сенат осындай қадамға барып отыр. Бұл – биліктің бұқаралық ақпарат өкілдеріне деген көзқарасы. Яғни, журналистердің орны жертөледе деген сөз.  

Жертөледен кеңсе беру Денсаулық сақтау министрінің бұйрығына қайшы келеді дейді БАҚ өкілдері. Сенаттың бұл әрекетіне шамданған журналистер Төраға  Мәулен Әшімбаевтан жауап беруді талап етті. Сенат спикері баспасөз орталығы жөніндегі мәселені шешуге уәде берді. 

«Бұл жерде алаңдайтындай, жазатындай себеп көріп тұрған жоқпын. Бір-бірімізді ренжітпейік. Мен сұрақтардан қашпаймын, жауап беремін. Бір бірімізге құрметімізді жоғалтпай жұмыс істейік. Қазір кабинетіме көтеріліп, аппарат басшылығы мен баспасөз қызметіне тапсырма беремін. Онда жұмыс істеу қаншалықты ыңғайсыз екенін барып көрсін. Сіздер айтып отырған мәселелерге көз жеткізу үшін нұсқау беремін. Сенаттағы тиісті адамдар қарайды.  Мен кейін барып қарап көремін», - деді ол журналистерге.

Сонымен, Әшімбаев журналистерді жертөледен шығара ма? Өзі айтқандай, «сенаттағы адекватный адамдар» БАҚ өкілдеріне «биіктен» қарап отыра бермейтін шығар.

    
 

Байланысты жаналықтар

700-ден астам шетелдік журналист ШЫҰ саммитінен хабар таратып жатыр

04.07.2024

Аида Балаева: Жаһандық өзгерістерге толы жаңа дәуір ақпарат саласын да жаңа арнаға бұрды

28.06.2024

Президент бұқаралық ақпарат құралдары қызметкерлерін мерекемен құттықтады

28.06.2024

Тоқаев журналистерге сыйлықтар мен гранттар берді

27.06.2024

«Ахуал мүшкіл»: Президент билікті сынайтындарға қандай кеңес берді

27.06.2024

АЭС бойынша референдум биыл күзде өтеді

27.06.2024
MalimBlocks
700-ден астам шетелдік журналист ШЫҰ саммитінен хабар таратып жатыр

Әлем назарын аударған іс-шараға еуропалық БАҚ үлкен қызығушылық танытты.

Аида Балаева: Жаһандық өзгерістерге толы жаңа дәуір ақпарат саласын да жаңа арнаға бұрды

Ақпараттық технологиялардың әсерінен қоғамдық процестер, коммуникациялық жүйе транцформацияға түсті.

Президент бұқаралық ақпарат құралдары қызметкерлерін мерекемен құттықтады

Бұл туралы Ақорданың баспасөз қызметі мәлімдеді.

Тоқаев журналистерге сыйлықтар мен гранттар берді

БАҚ қызметкерлерін марапаттау рәсімінде Президент журналистер мемлекеттік саясатты түсіндіруде ерекше рөл атқаратынын атап өтті.

«Ахуал мүшкіл»: Президент билікті сынайтындарға қандай кеңес берді

Тоқаев алдамшы жеңістер мен жетістіктерге әуестенудің қаупін де жақсы түсінетінін жеткізді.

АЭС бойынша референдум биыл күзде өтеді

Президенттің пікірінше, экономиканы дамыту үшін тұрақты энергия көзі керек.