Имашев vs Цой: Тоқаев кімнің сөзін тыңдайды?

Malim Админ

  • 22.10.2020

Орталық сайлау комиссиясының төрағасы Берік Имашев 10 қаңтарға белгіленген парламент мәжілісі мен мәслихаттар сайлауы онлайн емес, дәстүрлі форматта өтетінін мәлімдеді. Яғни сайлаушылар сайлау учаскелеріне барып, қағаз бюллетень арқылы дауыс бермек.

"Бұл мәселе қайдан шыққанын білмеймін (онлайн дауыс беру - ред.). Дауыс беру "Сайлау туралы" заңмен реттеледі. Ол заңда онлайн дауыс беру қарастырылмаған. Біздің поштаға көп күндік дауыс беру туралы ұсыныстар түсіп жатыр. Бұл да заңда жоқ. Сондықтан сайлау әдеттегідей қағаз бюллетеньмен дауыс беру арқылы өтеді. Ешқандай жаңашылдық қарастырылып жатқан жоқ", - деді Имашев.

Имашевтің айтуына қарағанда, денсаулық сақтау министрлігі партия съездері, үгіт-насихатты қалай жүргізетіні және сайлаудағы санитарлық талаптарды әзірлемек.

Имашев журналистерден "бұл мәселе қайдан шыққан" деп таңғалғанымен, онлайн дауыс беру екі-үш аптадан бері ел аузында жүр. Әсіресе, бұл мәселені басқа-басқа емес, Имашевтің үкіметтегі әріптесі Алексей Цойдың өзі көтеріп, түсініктеме берген.  14 қазан күнгі онлайн брифингіде А.Цой өзі басқаратын министрлік сайлаудың барлық форматын, оның ішінде онлайн дауыс беруді де қарастырып жатқанын мәлімдеген.

«Мақсатымыз – елдің медициналық қауіпсіздігі мен медициналық көмекті бақылау. Эпидемиологиялық ахуалға байланысты түрлі форматтар қарастырылып жатыр. Мақсатымыз – сайлау қандай жолмен өтсе де, ондағы эпидемиологиялық қауіпсіздікті қамтамасыз ету. Әртүрлі шаралар қарастырылады, мейлі ол онлайн немесе учаскеге барып дауыс беру болсын. Біз үшін сайлауда барлық санитарлық-эпидемиологиялық шаралардың сақталуы маңызды. Біз кез келген тәсілді, онлайн немесе учаскеге барып дауыс беруді болсын, қарастырып жатырмыз. Біздің шаралар ортақ және ол дауыс берудің түріне байланысты емес. Адам көп жиналса, онда арақашықтықты сақтаймыз, маска тағу, қолғап кию, тест қолдану», — деді А.Цой 14 қазан күнгі онлайн брифингіде.

Берік Имашев бұл сөзін эпидемилогиялық ахуал тұрақты кезде айтып отыр. Ал егер қаңтарға қарай эпидемиологиялық ахуал асқынып, індет өршіп кетсе ше? Қазір "сайлау дәстүрлі түрде өтеді" деген Берік Имашевтің сөзі жүре ме, әлде эпидемиологиялық ахуалды реттеуге жауапты денсаулық сақтау министрі Алексей Цойдың сөзі өтімдірек бола ма?

 

 

Байланысты жаналықтар

Ұшты, ұшты – әкім 26 миллионға ұшты

26.11.2020

Фонд «Еркіндік Қанаты» сделал заявление об утечке данных наблюдателей

08.11.2022

Президент сайлауына Жигули қатысады

30.09.2022

Тергеуге кедергі келтіргендер істі болды

29.12.2020

Тоқаевты қолдайтын Азамат Әміртайдың партиясы тіркелді

30.11.2022

Почему заморозили Экибастуз и при чем тут политика?

28.11.2022
MalimBlocks
Ұшты, ұшты – әкім 26 миллионға ұшты

Фонд «Еркіндік Қанаты» сделал заявление об утечке данных наблюдателей

Общественный фонд «Еркіндік Қанаты», ведущий независимое наблюдение за выборами заявил об утечке информации из собственной базы данных наблюдателей. Соответствующее сообщение опубликовано на странице фонда в социальных сетях.

Президент сайлауына Жигули қатысады

Тергеуге кедергі келтіргендер істі болды

Тоқаевты қолдайтын Азамат Әміртайдың партиясы тіркелді

Қазақстанға  + 1 саяси партия. Атауы - «Байтақ». Ұраны  -- экология. Жалауы жасыл. Бұл өзі Қазақстанда оншақты жылдан бері дүниеге зорға келген партия. Көсемі Азамат Әміртай.

Почему заморозили Экибастуз и при чем тут политика?

Почему у нас участились и будут только нарастать аварии в тепло- и электроэнергетике? Все закономерно и достаточно просто. Вопрос тарифов коммунальных услуг был ещё с советского времени вопросом политическим. Благосостояние советского человека выражалось в копеечных затратах на коммунальные услуги. А с получением независимости и резким обнищанием народа в Казахстане в 90-х, вопрос повышения тарифов стал вопросом стабильности и благополучия, как у нас любят выражаться официальные СМИ.