Қайрат Сатыбалды ұсталды – БАҚ
Қайрат Сатыбалды - экс-президент Нұрсұлтан Назарбаевтың немере інісі.
Қазақстандық танымал олигарх Қайрат Сатыбалды ұсталды. Бұл туралы Sputnik.kz-ке сілтеме жасап Malim.kz хабарлайды.
Қайрат Сатыбалдыұлы сыбайлас жемқорлыққа қарсы қызмет лауазымдық өкілеттіктерін асыра пайдалану және «Қазақтелеком» АҚ-ның қаражатын аса ірі көлемде ұрлау фактілері бойынша қылмыстық істі тергеуде. Аталған қылмыстарды жасады деген күдікпен Қайрат Сатыбалдыұлы ұсталып, уақытша ұстау изоляторына қамалды.
Қайрат Сатыбалдыұлының басқа да қылмыстарға қатыстылығы тексерілуде. Мәселен, сыбайлас жемқорлыққа қарсы қызмет таратты делінген мәліметте мемлекет қауіпсіздігіне нұқсан келтіргені айтылуда. Қазіргі таңда тергеу жалғасуда. ҚПК-нің 201-бабына сәйкес, өзге ақпараттар тергеу мүддесіне сай, жария етуге жатпайды.
Қазір әлеуметтік желілерде және бірнеше БАҚ беттерінде шығып үлгерген ақпаратты Сыбайлас Жемқорлыққа қарсы қызмет агенттігі растаған жоқ, агенттіктің ресми сайтында бұл туралы мәлімет жоқ.
Айта кету керек, Қайрат Сатыбалды экс-президент Нұрсұлтан Назарбаевтың немере бауыры.
MalimBlocks
