«Қазақстан темір жолы» ұлттық компаниясы» АҚ Атырау филиалының директоры қамауға алынды. Қазір күдіктіге қатысты сотқа дейінгі тергеу-тексеру жүргізілуде. Бұл жөнінде Сыбайлас жемқорлыққа қарсы іс-қимыл агенттігінің Атырау облысы бойынша департаменті басшысының бірінші орынбасары Нұрлан Жахин мәлімдеді.
«Филиал директоры Елеубай Сапаровқа қатысты сотқа дейінгі тергеу жүргізіліп жатыр. Ол қызметтік лауазымын асыра пайдаланып, кәсіпкердің 1 500 000 теңге ақшалай қаражатын иемденді деген күдікке ілінді. Қазір оған қатысты Атырау қаласының тергеу соты «қамауда ұстау» бұлтартпау шарасын таңдалды», - деді Жахин.
Өзге ақпарат ҚР Қылмыстық процестік кодексі 201-бабының 1-бөлігіне сәйкес тергеу мүддесі үшін жария етілмейді.
Сыбайлас жемқорлыққа қарсы қызмет өкілінің айтуынша, «Қазақстан темір жолы» АҚ қызметінде бірқатар проблема бар. «Көптеген сыбайлас жемқорлық тәуекелі анықталды. Мәселен, диспетчерлердің, «Қазтеміртранс» филиалы басшылығының өтінімді қарауы, «Қазақстан Темір жолы» АҚ «Жүк тасымалы» филиалына өтінімді жолдауы сияқты маңызды кезеңдер автоматтандырылмай отыр. Тауар кассасы кәсіпкердің өтінімін алғаннан кейін «Қазтеміртранс» диспетчеріне өтінімнің бар екені туралы электрондық пошта арқылы хабарлайды. Кәсіпкерлер бір уақытта өтініш беріп, вагондарды әр кезеңде – бірі сол күні, өзгелері бірнеше күн өткеннен кейін алатын жағдайлар кездескен», - деді Н.Жахин.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
