The Wall Street Journal басылымының жазуынша, қытайлық видеоигр индустриясының өкілі, миллиардер Сюй Бо суррогат аналардың көмегімен 100-ден астам баланың әкесі атанды, деп хабарлайды Malim.kz.
Материалда Қытайда суррогат аналыққа тыйым салынғандықтан, ауқатты азаматтардың шетелге барып бала сүйуді таңдағаны айтылады. Әсіресе ықпалды кәсіпкерлер дәстүрлі жолдан гөрі осы әдісті қолданып, ұл мұрагер немесе болашақта тиімді тұрмысқа шығарады деген оймен қыз балаларды дүниеге әкелуді жөн көреді.
Сұраныстың артуы салдарынан суррогат аналыққа қатысты тұтас индустрия қалыптасқан: агенттіктер, заңгерлер, клиникалар, күтушілер, тіпті балаларды жеткізу қызметтері де бар. Клиенттер өздерінің генетикалық материалын жолдап, дайын нәрестені алу мүмкіндігіне ие. Мұндай қызметтің құны бір бала үшін 200 мың долларға дейін жетуі мүмкін.
Бұрын қытайлықтар осы тәсіл арқылы "бір отбасы – бір бала" саясатын айналып өтетін. Шетелде туған балалар шетел азаматы саналып, шектеуге ілінбеген. 2015 жылы бұл саясат жойылғанымен, америкалық кәсіпкер Илон Масктың (14 баланың әкесі) пронатализмді қолдауы кейбір қытай бизнесмендерін шабыттандырғаны айтылып отыр.
