Ресейде Deutsche Welle, «Би-би-си», «Радио Свобода», «Настоящее время», The Moscow Times сайттары толықтай бұғатталды, деп хабарлайды Malim.kz.
Олар «егемен Рунет» туралы заң аясында құрылған инфрақұрылым — Ұлттық домендік атаулар жүйесінің (НСДИ) жазбаларынан жойылды.
Сонымен қатар, «На связи» телеграм-арнасының назар аударуынша, НСДИ-ден қорғалған Tor браузерінің, Instagram және Facebook әлеуметтік желілерінің, сондай-ақ бірқатар басқа ресурстардың домендік атаулары да жоғалып кеткен. Бұған дейін НСДИ-ден WhatsApp пен YouTube домендерінің жойылғаны белгілі болған еді.
Пайдаланушылар үшін бұл бұғатталған ресурстарға VPN-сыз кіру мүмкін болмайтынын білдіреді. The Bell басылымы сондай-ақ шектеулерді үшінші тараптың DNS-сервистері арқылы айналып өтуге болатынын атап өтеді, алайда мұндай қосылымды баптау асқан біліктілікті талап етеді.
