Ер адамның мүрдесін жергілікті балықшылар тапқан. Тағы бір жоғалған адамды іздеу жалғасып жатыр.
5 қаңтар күні Ертіс өзеніне көлік құлаған еді. Көлік ішінде төрт адам болған. Жолаушылардың бірі көліктен шығып, жағаға жүзіп жеткен. Сол күні құтқарушылар өзеннен жолаушы қыздың мәйітін тапты.
- Тағы бір жоғалған адамды іздеу әлі жалғасып жатыр. Іздеу жұмыстарына 100-ден астам адам, 13 моторлы қайық, екі ұшқышсыз ұшу аппараты, үш эхолот және бір сүңгуір қайық жіберілді. Сондай-ақ ШҚО ТЖД, Павлодар облысы ТЖД, Алматы республикалық жедел құтқару жасағының ҚР ТЖМ 68303 әскери бөлімінің күштері мен жергілікті еріктілер іздеу жұмысын жүргізіп жатыр», деп хабарлады облыстық ТЖД.
Фото: видеодан скрин
