Танымал әнші Мейрамбек Бесбаев өнердегі жолын жаңа қырынан жалғастырғысы келетінін мәлімдеді. Әнші кино түсіруге ниетті екенін айтып, бұл бағытта қадам жасауға дайын екенін білдірді, деп хабарлайды Malim.kz.
Ол тың идеялар мен сценарийлерге ашық екенін айтып, оқырмандарынан кеңес сұрады.
Соңғы кездері кино түсіргім келіп жүр. Қолымнан келеді деп ойлаймын. Жақсы сценарий болса, бірлесіп жұмыс істеуге әзірмін. Ұсыныстарды күзге дейін қабылдаймын. Қай жанрда түсірсек болады? Пікірлеріңізді күтемін. «Енді сен қалған едің кино түсірмеген» дейтін достарым, уайымдамаңдар — әлі бастамадым, – деп жазды ол әлеуметтік желідегі парақшасында.
Желі қолданушылары әншінің бұл шешімін қуана қабылдап, жылы лебіздерін білдіруде. Көпшілік Мейрамбектен тәрбиелік мәні терең, ұлттық рухтағы фильм күтетінін айтты.
"Өзбекәлі Жәнібеков туралы фильм түсірсеңіз жақсы болар еді", "Күлкілі фильм емес, тәрбиелік мағынасы бар тарихи кино күтеміз", "Бала Мейрамбектен аға Мейрамбекке дейінгі өмір жолыңызға негізделген фильм көргіміз келеді", "Жас ұрпаққа үлгі болатындай, ұлттық құндылықтарды насихаттайтын дүние жасаңыз", "Сізден терең мағыналы, өнерге адал фильм күтеміз, сәттілік!", – деп жазды жанкүйерлер.
Фото: әлеуметтік желі
