Алматыда қанша балдық жер сілкінісі болды?
Алматыда жер сілкінді. Әлеуметтік желілерде жұрттың сыртқа шығып кеткен фото-видеосы тарады.
Алматы қаласы төтенше жағдайлар департаментінің алдын ала ақпараты бойынша, жер сілкінісі шамамен 6 балл болған. Департамент ақпарат нақтыланып жатқанын айтады.
-Өзара әрекеттестік алгоритміне сәйкес тиісті мемлекеттік органдарға хабар берілді. Полиция департаментінің кезекші бөліміне ғимараттарда зақымдардың бар-жоғын тексеру жөнінде тапсырма берілді,-делінген Алматы қаласы төтенше жағдайлар департаментінің таратқан мәліметінде.
Қазақстан төтенше жағдайлар министрлігінің сейсмикалық байқау және зерттеу ұлттық ғылыми орталығының мәліметінше, жер сілкінісінің эпицентрі Алматының оңтүстік-шығысынан 264 шақырымда, Қазақстан мен Қырғызстан шекарасында болған. Жер дүмпуінің магнитудасы 6,7.
МSК-64 шкаласы бойынша Алматыда жер дүмпуі - 5 балл, Шымкентте 2 балл болып сезілген.
MalimBlocks
