Коронавиус жұқтырған денсаулық сақтау министрі Елжан Біртановпен бірге Жамбыл облысына іссапармен барған премьер-министр Асқар МӘМИН өзін-өзі оқшаулады. Ол жұмысын онлайн режимде жалғастырмақ.
Үкіметтің баспасөз қызметінің хабарлауынша, А.Мәмин коронавируске тест тапсырған. Нәтижесі теріс. "Іссапар кезінде денсаулық сақтау министрі Елжан Біртанов маска тағып жүрген", - дейді үкіметтің баспасөз қызметі.
Елжан Біртанов, Асқар Мәмин мен білім және ғылым министрі Асхат Аймағамбетов Жамбыл облысына вакцина шығаратын биофармацевтикалық зауыттың құрылыс жұмыстарын бастау үшін 12 маусым күні сапарлаған болатын. Олармен бірге зауыт салынып жатқан орынға Жамбыл облысының әкімі Бердібек Сапарбаев та барған. Аймағамбетов пен Сапарбаев өздерін оқшаулап, үйде отыр ма, бұл жағы әзірге белгісіз.
Ал маусымның 11-і күні Елжан Біртанов сенатқа "Халық денсаулығы мен денсаулық сақтау жүйесі туралы" кодекс жобасы мен ілеспе заңын таныстыруға барып, баяндама жасаған. Айтпақшы, сенат сайтында жарияланған суретте министр Біртановтың баяндаманы маска тақпай жасағаны көрінеді. Министр баяндама жасап тұрғанда төрде отырған сенат спикері Мәулен Әшімбаевтың да маска таққаны көрінбейді.
[caption id="attachment_4613" align="alignleft" width="1024"]
http://senate.parlam.kz, 11 маусым[/caption]
Біртановпен соңғы күндері араласқан тағы қандай шенеуніктер өздерін оқшаулап, үйден жұмыс істер екен?
Фото: https://primeminister.kz
