Мәжіліс спикері Нұрлан Нығматулин денсаулық сақтау министрі Алексей Цойға емханаға барып, халықпен сөйлесіп көруге кеңес берді. Спикер бұл туралы 2020 жылға арналған республикалық бюджеттің орындалуы туралы үкімет есебінде айтты.
"Құрметті министр мырза, жертасадан шығып, халықтың арасына баратын кезіңіз келді. Халықпен санитар дәрігердің қаулысы арқылы сөйлескенді тоқтатқан жөн. Ауруханаға, аудандық емханаға барып көріңіз. Сол жерде кезекте отырған адамдармен сөйлесіңіз. Сонда медициналық қызметтің сапасы туралы көп нәрсеге көз жеткізер едіңіз", - деді Нығматулин.
Ол министрге журналистер және халықпен коммуникацияны реттеу керектігін де ескертті.
"Алексей Владимирұлы, қазір денсаулық сақтау жүйесіне салмақ түсіп жатқанын түсінеміз. Бірақ ес жинайтын кез келді. Коммуникацияны орталық коммуникациялар алаңында ғана жасамау керек. Қағаз немесе суфлерден оқи саласыз да, журналистер сұрағының жартысына жауап бермейсіз", - деді ол.
Нығамтулин мен мәжілісшілер мамырдың басында да Алексей Цойға шүйлігіп, баяу вакцинация үшін сынаған.
