Ақпан айында Меркі ауылында екеуінің арасында туындаған жанжал барысында азаматша өзінің қайын атасының басынан ұрған, алайда денсаулыққа зиян келтірмеген, деп хабарлайды Меркі аудандық соты.
«Құқық бұзушының кінәсі жәбірленушінің берген жазбаша арызы және түсініктемесі, дәрігерлік анықтама, құқық бұзушылық туралы хаттамамен, сонымен қатар сотта зерттелген басқа да кұжаттармен толық дәлелденді», - делінген хабарламада.
Сот отырысында азаматша кінәсін мойындап, жасаған іс-әрекетіне өкініш білдірген. Жәбірленуші көрсетілген жағдайды растап, шағымданбаған.
Сот қаулысымен азаматша ӘҚБтК-нің 73-2 б.1-1 б. бойынша кінәлі деп танылып, оған әкімшілік жаза ретінде ескерту жасалды. Қаулы заңды күшіне енді.
