Қазақстандықтарға 4%-бен автокөлік сатып алуға мүмкіндік беретін бағдарлама келесі аптада іске қосылады. Бұл туралы үкімет үйінде өткен баспасөз мәслихатында индустрия және инфрақұрылымдық даму министрі Қайырбек Өскенбаев мәлімдеді.
Экология, геология және табиғи ресурстар министрі Серікқали Брекешевтің сөзінше, қазіргі уақытта утилизациялық алым бойынша оператор "Жасыл даму"АҚ-дан жеңілдетілген автонесиеге қаржы бөлу жұмыстары жүріп жатыр.
"Жасыл даму" шотынан ақша аудару бойынша корпоративтік жұмыстар жүргізіліп жатыр. Ақша осы жұмыстар аяқталған соң жіберіледі. Осы аптаның соңына дейін, мамырдың алтысына дейін бітіреміз", - деді Брекешев.
Индустрия министрі Қайырбек Өскенбаев тиісті қаражат осы апта түссе, келесі аптада бағдарлама іске қосылатынын мәлімдеді.
Еске сала кетейік, бұған дейін индустрия және инфрақұрылымдық даму министрлігі жеңілдетілген автонесие бағдарламасының шарттарын бекіткен еді. Енді экология, геология және табиғи ресурстар министрлігіне қарайтын "Жасыл даму" АҚ-дан бағдарламаны қаржыландыруға ақша бөлінуі тиіс.
Бағдарламаның негізгі шарттары келесідей:
Несие сомасы – 10 миллион теңге; 4 пайыздық жылдық сыйақасымен 7 жылға дейін, егер автокөлік құны несие сомасынан артық болса, үстінен ақша қосып төлеуге болады.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
