«77 салмақта көш бастаған». Демеу Жадыраевтың қарсыласы қандай спортшы?

Парижде өтіп жатқан Олимпиада ойындарында бүгін грек-рим күресінен финалда белдесетін қазақстандық Демеу Жадыраев жапониялық Нао Кусакамен алтын жүлдеге таласады.

Демеу Жадыраевқа финал оңайға соқпайын деп тұр. Жапониялық спортшы Нао Кусака 2023 жылы әлем чемпионатында қола медаль алған. Сондай-ақ ол 2024 жылғы Азия ойындарының чемпионы атанған. Нао қазір әлемдік рейтингіде 77 келі салмақтың көшін бастап тұр. 

Десе де, Демеу Жадыраев ел үмітін ақтауға бар күшін салады деген үміттеміз. Ол биыл – 34 жаста. Бұл оның соңғы Олимпиадасы болуы әбден мүмкін. Қазақстандық спортшы 2017 жылғы әлем чемпионатының күміс жүлдесін алған. Сонымен қатар Демеу Азия чемпионатында бірнеше мәрте жүлдегер атанған.

Кеше отандасымыз жартылай финалда әзербайжан спортшысы Санан Сулеймановпен кездесіп, қарсыласын 6:1 есебімен айқын жеңді. Осылайша Жадыраев Париж Олимпиадасының финалына шығуға мүмкіндік алды. 

Фото: sport.akipress.org