Абай шаңырағының тағылымы

Malim Админ

  • 15.10.2020
Құрметті қауым!
Ардақты ағайын!
Хакім Абайды біртұтас ұлт болып ұлықтау – біздің перзенттік парызымыз.
Ұлы ақынның рухына тағзым ету үшін мен осы қасиетті топыраққа арнайы келдім.
Қала тұрғындарын және бүкіл елімізді Абай мен оның ұрпақтарына арналған жаңа ескерткіштің ашылуымен шын жүректен құттықтаймын!
Бұл – біртуар ғұлама ойшылымызға деген зор құрметтің белгісі.
Ұлы Абай – біздің еліміздің мақтанышы ғана емес, әлемдік деңгейдегі кемеңгер.
Ол – қазақтың жан-дүниесінің тұңғиығына бойлаған дара тұлға.
Оның өлеңдері мен қара сөздері – ұлттық болмысымыздың айнасы.
Абай жаңа әдебиетіміздің негізін қалаған ақын ретінде ел тарихында айрықша із қалдырды.
Оның еңбектері бір ғасырдан астам уақыт өтсе де өзектілігін жоғалтқан емес. Әлі күнге дейін баршамызға рухани азық болып келеді.​
Ақынның ғибратты ғұмыры мен мол мұрасы – халқымыздың және жаһан жұртының асыл қазынасы.
Абайдың өсиеті – өскелең ұрпақтың айнымас темірқазығы.​ ​
Ұлы ойшыл жастарды білім мен ғылымды игеруге, өнер мен тілді үйренуге, маңдай термен мал табуға шақырды.
Ақын айтқан бес асыл іс: «Талап, еңбек, терең ой, қанағат, рақым» – ұлт үшін ауадай қажет қасиеттер.
Біз дамуды тежейтін бес дұшпаннан арылып, елдік мүдде жолында еңбек етсек қана қоғамдық сананы жаңғыртамыз.
Біз Абай аманатына адал болуымыз керек. «Жауапты мемлекет – жауапты қоғам – жауапты адам» жүйесінің берік орнығуы осыған байланысты.​
Ол үшін бүгінгі буын Абай мұрасынан нәр алып, рухани кемелденуі қажет.
Мына еңселі ескерткіш жас ұрпаққа тағылымды ой салуға тиіс.
Абай және оның сөзі мен ісін жалғаған парасатты перзенттері Ақылбай мен Турағұл – елге үлгі болған тұлғалар.
Мұнда ұрпақ сабақтастығы, әке мен баланың сыйластығы бейнеленген.
Бұл – Құнанбай қажы әулетінің тектілігін танытатын туынды.
Абай шаңырағының тағылымы – ұлт ұлағатының көрінісі.
Жалпы, тәлім-тәрбие ұлт сапасын қалыптастыратын басты фактордың бірі болуы керек!​ ​
Құрметті қауым!
Біз биыл Абайдың 175 жылдық мерейтойын атап өтуге ерекше мән бердік.
Мемлекеттік және халықаралық деңгейде ауқымды іс-шаралар өткіздік.
Ақын мұрасын насихаттауға, ұлағатты сөзін жас ұрпақтың санасына сіңіруге ден қойдық.
Жидебайдағы «Абай-Шәкәрім» мемориалдық кешені жаңа талапқа сай жаңғыртылды.
Ұлы ақынның рухына тағзым етуге келетін жұртшылыққа қолайлы жағдай жасалды.
Бұл – облыс әкімі Даниал Ахметовтің және бір топ азаматтардың еңбегінің нәтижесі.
Біз мерейтой кезінде ысырапшылдық пен даңғазалыққа​ жол берген жоқпыз.
Абай айтқан «мақтаншақтық», «бекер мал шашпақты» тыюдың бір жолы осы деп санаймын.​
Ұлы ойшылдың мұрасы – еліміздің одан әрі өсіп-өркендеуіне жол ашатын баға жетпес құндылық.
Абайдың асқақ рухы ұлы мұраттарға жетелей берсін!
Шығыс Қазақстан халқына шын жүректен аманшылық тілеймін.
Семей қаласы. 15.10.2020.
Байланысты жаналықтар

Қазақстан жаһандық аренадағы жауапты ойыншы ретінде өз рөлін көрсетуі керек – Тоқаев

28.05.2024

Тоқаев Германия канцлері Олаф Шольцпен телефон арқылы сөйлесті

28.05.2024

Заң салтанат құрған елде әділдік орнайды

17.05.2024

Семейде бір үйдің екі баласы із-түзсіз жоғалып кеткен

17.04.2024

Мемлекет басшысы Өзбекстан Президенті Шавкат Мирзиёевпен бейресми кездесу өткізді

05.04.2024

Қасым-Жомарт Тоқаев Ресей халқына қайғырып көңіл айтты

23.03.2024
MalimBlocks
Қазақстан жаһандық аренадағы жауапты ойыншы ретінде өз рөлін көрсетуі керек – Тоқаев

Қазақстан Президенті Қасым-Жомарт Тоқаевтың орта державалардың рөлі туралы мақаласы жарияланды

Тоқаев Германия канцлері Олаф Шольцпен телефон арқылы сөйлесті

Әңгімелесу барысында Қасым-Жомарт Тоқаев пен Олаф Шольц екіжақты қатынастардың практикалық мәселелерін талқылады

Заң салтанат құрған елде әділдік орнайды

Қазақстан Республикасының Президенті Қасым-Жомарт Тоқаев қандай заңдарға қол қойды?

Семейде бір үйдің екі баласы із-түзсіз жоғалып кеткен

Тек жоғалғандардың сөмкесі қаланың ортасындағы құрылысы аяқталмаған ғимараттың маңынан табылыпты.

Мемлекет басшысы Өзбекстан Президенті Шавкат Мирзиёевпен бейресми кездесу өткізді

Екі ел басшылары өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.

Қасым-Жомарт Тоқаев Ресей халқына қайғырып көңіл айтты