Әйгілі бокс жекпе-жегі 16 қарашаға қараған түні Нью-Йорктегі «Мэдисон Сквер Гарден» аренасында өтті, деп хабарлайды Malim.kz.
Аты аңызға айналған боксшы Майк Тайсон мен танымал видеоблогер Джейк Полдың арасындағы жекпе-жек кештің басты оқиғасы болды.
Кездесу толығымен 8 раундқа созылып, Джейк Пол төрешілердің бірауыздан шешімімен жеңіске жетті. Ұпайлар былай бөлінді: 80-72, 79-73, 79-73.
Айта кетейік, 58 жастағы Тайсонның кәсіби мансабында 50 жеңісі мен 7 жеңілісі бар. Ал 27 жастағы Джейк Пол 12 жекпе-жектің 11-інде жеңіске жеткен.
Артынан Тайсон пікірін білдірді.
Маған өзімнен басқа ешкімге ештеңе дәлелдеудің қажеті жоқ. Әлі де қолымнан келетінін көрсеткім келді. Денсаулығыма байланысты мәселелер болды, бірақ мен сылтау іздемеймін. Ал Полға келер болсақ, ол мықты, бұл қиын жекпе-жек болды. Реваншты жағдайға қарай көрерміз. Бұл менің соңғы жекпе-жегім деп ойламаймын. Мүмкін, келесі жолы басқа біреумен, мысалы, Логан Полмен шығуым мүмкін, деп күлді ардагер боксшы.
Фото: usatoday.com
Байланысты жаналықтар
MalimBlocks
