Париж Олимпиадасы: Қазақстан құрамасы нешінші орында
XXXIII жазғы Олимпиада ойындарында жалпы 32 спорт түрінен 329 медаль жиынтығы сарапқа салынады.
Қазақстан құрамасы Париж Олимпиадасында нешінші орында келе жатқаны белгілі болды, деп хабарлайды Malim.kz.
Сонымен, Олимпиада ойындарында Қазақстан құрамасы жалпы медальдар кестесінде 1 алтын, 2 қола медальмен 7-орында келеді.
Ал 3 алтын, 2 күміс, 1 қола медаль жеңіп алған Оңтүстік Корея спортшылары жалпы есепте көш басында тұр. Екінші орында — 3 алтын, 2 күміс жүлде бар Аустралия құрамасы.
Үздік үштікте әзірге 3 алтын, 1 күміс, 1 қола медальмен Қытай құрамасы тұр.
Жалпы, бүгінге дейін Париж Олимпиадасының медаліне 19 мемлекеттің спортшылары қол жеткізіп үлгерді.
Еске салсақ, XXXIII жазғы Олимпиада ойындарында жалпы 32 спорт түрінен 329 медаль жиынтығы сарапқа салынады.
Қазақстан спортшылары төрт жылдық додада спорттың 25 түрінен 92 жолдама жеңіп алған еді.
Фото: Тұрар Қазанғапов/ҰОК
Байланысты жаналықтар
MalimBlocks
