Қазақстан құрамасы Словенияны 9:1 есебімен ойсырата жеңді
Шайбалы хоккейден әйелдер арасындағы әлем чемпионатында Қазақстан құрамасы жарысты ірі жеңіспен аяқтады, деп хабарлайды Malim.kz.
Дамфрис (Ұлыбритания) қаласында өткен турнирдің соңғы турында отандастарымыз Словенияны ойсырата жеңді.
Екі құрама турнирдің 5-туры аясында кездескен еді.
Жеңіске үлес қосқан ойыншылар:
Дәрия Молдабай — дубль (26 және 37 минуттар)
Екатерина Куценко — дубль (13 және 60 минуттар)
Анна Пяткова — (34 мин, көпшілік кезінде)
Пернеш Әшімова — (36 мин)
Александра Воронова — (38 мин, көпшілік кезінде)
Анастасия Оразбаева — (45 мин)
Татьяна Королева — (59 мин, көпшілік кезінде)
Словения сапынан Сара Конфиденти 47-минутта азшылық құрамда жалғыз шайба соқты.
Қазақстан құрамасы әлем чемпионатын 2 жеңіс және 3 жеңіліспен аяқтады.
Қазір команда 6 ұпай жинап, 4-орында тұр. Бірақ Оңтүстік Корея мен Латвия арасындағы матч нәтижесіне байланысты 5-орынға төмендеуі де мүмкін.
Ал словениялықтар барлық 5 ойында жеңіліп, турнир кестесінде соңғы орын алып, төменгі дивизионға түсіп қалды.
Айта кетейік, Қазақстан келесі жылы да IB дивизионында өнер көрсетеді. Италия құрамасы турнир жеңімпазы атанып, жоғары дивизионға жолдама алды.
Фото: icehockey.kz
Самое читаемое
