Испанияның Понтеведра қаласында өтіп жатқан еркін күрестен жастар арасындағы (U20) әлем чемпионатында қазақстандық Ризабек Айтмұхан финалға шықты, деп хабарлайды Malim.kz.
ҰОК мәліметінше, 97 келі салмақта белдесіп жатқан жерлесіміз жартылай финалда америкалық қарсыласын 9:1 есебімен жеңген. Оның алдында Грекия және Иран балуандарын да ірі есеппен ұтқан.
Финалда Ризабек Айтмұхан әзербайжандық Хетаг Карсановпен белдеседі. Алтын медаль үшін өтетін кездесу бүгінге жоспарланған.
Фото: ҰОК
