"Тілдің қамын жеген ақындарды көшіріп жіберу керек"

Айбек Ережеп

  • 02.09.2021

Кеше бір топ жас ақындар қазақ тілінің болашағына алаңдап ҚР Президенті Қасым-Жомарт Тоқаевқв ашық хат жазған еді, бүгін жазушы Қанат Әбілқайыр «Тілге алаңдаған жас қаламгерлерді арнайы бағдарламамен солтүстікке көшіру керек» деп ұсыныс айтыпты Фейбуск парақшасында.

Тілге алаңдаған жас қаламгерлерді арнайы бағдарламамен солтүстікке көшіру керек, Тоқаев мырза!

Кеше ҚР Президенті Қасым-Жомарт Тоқаевқа бір топ жас қаламгер ашық хат жазды. Олардың мемлекеттік тіл - қазақ тіліне деген жанашырлығына риза болмасқа шара жоқ! Бірақ та, тәуелсіздік алғалы мұндай жүздеген хат жазылғанын білеміз. Оның бірінен де нәтиже шықпағаны тағы бар. Неге бұлай болды?

Себебі, айтумен, айғайлаумен, хат жазумен еш мәселе шешілмейді. Мұндай ашық хаттарға бола тілдің мәселесі шешілсе, отыз жыл бойы бір орында омалып отырмас едік. Құрыды дегенде Шаханов атамыздың шекесіне шодырайып бір мүйіз шығар еді. Қараңыз, ол да жоқ...

Яғни, Президентке һәм хат жазғыш жастарға "не істеу керек?" деген сұрақ туады. Меніңше, тілдің жоғын жоқтаған тұлғаларды һәм қоғам белсенділерін орыстанған өлкелерге (негізінен қалалар мен аудан орталықтарына) қоныс аударуға мемлекет тарапынан қолдау жасау керек.

Ол азаматтар ауызбен айтқанын іс жүзінде жүзеге асырып көрсін! Нақты мемлекеттік тілді үйрету курстарына басшылық етсін! Сол өңірлердің ішкі саясат жұмыстарымен айналыссын! Аудандық, облыстық басылымдар арқылы тіл майданына кірсін! Сол өңірлерден қазақ мектептерін, балабақшаларын ашу, ол мекемелерге жас мамандар тарту секілді мың сан жұмыстармен шұғылдансын! Осы мың сан іске әлгі хатқа қол қойған алпысқа жуық һәм оның сыртындағы мың қолдаушы таптырмас маман болар еді.

Өстіп, "жау жүрек мың баланы" солтүстік өңірлерге аттандырсақ (қажет болса біз де баруға дайынбыз), олар нақты білім тәжірибелерін мемлекеттік тілдің дамуына бағыттаса, тым құрығанда сең қозғалар еді.

Өткен ғасырда нақты күрестің жолын алашордалықтар көрсетіп берді. Олар кітап та жазды, ағартушы да болды, саясатпен де айналысты... Президент сол даңғылға "жанын жұлып жеп тұрған" осы жастарды қайта салып жіберсе, он жылда-ақ оның жемісін жеп отырар едік.

Кезінде "тың игеру" деген сылтаумен қазақ жеріне өзгелер ағылды. Енді ол өлкелерге түпкілікті ие болып қалу үшін нақты әрекет жасауымыз қажет. Менің осы ойымды президенттің құлағына сыбырлап көріңізші, Берік аға! (Ред. Берік Уәли - ҚР Президентінің баспасөз хатшысы)  Не дер екен?!

 

Байланысты жаналықтар

Қазақстан құрамасына келмей қойған қырғыз балуаны жартылай финалда

02.08.2021

Алғашқы матчта кім жеңеді?

11.06.2021

Алматының алмасы

06.08.2021

Алаштың әруақты тұлғасы

24.12.2020

Жанат Жаңқашұлы. Басыңды кесіп, дұшпаның сенің күл езді...

16.03.2021

БАЛАЛАР ӘДЕБИЕТІ ЖӘНЕ НҰРДӘУЛЕТ АҚЫШ

07.12.2020
MalimBlocks
Қазақстан құрамасына келмей қойған қырғыз балуаны жартылай финалда

Алғашқы матчта кім жеңеді?

Алматының алмасы

Алаштың әруақты тұлғасы

Жанат Жаңқашұлы. Басыңды кесіп, дұшпаның сенің күл езді...

БАЛАЛАР ӘДЕБИЕТІ ЖӘНЕ НҰРДӘУЛЕТ АҚЫШ