Батыс Қазақстан облысында 19 жастағы әйел жаңа туған баласын дәретханаға лақтырып жіберіпті. Бұл туралы МӘЛІМ КЗ Мой город сайтына сілтеме жасап хабарлайды.
Бұл қайғылы жағдай БҚО қарасты Жаңажол ауылында болған екен. Ауыл адамдардының айтуынша, 23 қарашада 19 жастағы студент жаңа туған сәбиін сөмкеге салып, дәретханаға тастаған екен.
Облыстық денсаулық сақтау басқармасы баспасөз қызметінің мәліметінше студент аман-сау босанған.
«Сот-медициналық сарапшылардың айтуынша, жаңа туған нәресте гипотермиядан қайтыс болған. Қыздың өзі қазір ауруханада, онымен психологтар жұмыс істеп жатыр », - деп хабарлады БҚО денсаулық сақтау басқармасы.
Қазір іс бойынша сот-медициналық сараптама тағайындалыпты. БҚО полиция департаментінің баспасөз қызметі бұл фактіні растап, іс бойынша ҚР Қылмыстық кодексінің 100-бабы (жаңа туған нәрестені анасының өлтіруі) бойынша қылмыстық іс қозғаған.
Естеріңізге сала кетейік, 2013 жылы тура осындай оқиға Ақтөбе облысындағы Шұбарқұдық ауылында болған еді. Өтіп бара жатқан бір адам сәбидің дауысын естіп аман алып қалған еді. 2014 жылы Атырау облысындағы Сағыз ауылында да тура осындай жағдай болды. Ол кезде де сәбидің періштесі қағып аман қалған болатын. 2016 жылы Жамбыл облысында тағы бір сәби Жамбыл облысында табылған еді.
Фото: evo-rus.com
Байланысты жаналықтар
MalimBlocks
