АҚШ Калифорниядағы Ванденберг базасынан оқ-дәрісіз Minuteman III құрлықаралық баллистикалық зымыранын сынақ ретінде ұшырды. АҚШ Әуе күштерінің ғаламдық соққылар жөніндегі қолбасшылығы (AFGSC) 5 қараша, сәрсенбі күні өткен және GT 254 деген атау берілген сынақтық ұшыру барысында зымырандардың сенімділігі мен дайындығын растады, деп хабарлайды Malim.kz.
Зымыран шамамен 4200 миль (шамамен 6800 км) қашықтықты ұшып өтіп, Маршалл аралдары Республикасындағы Кваджалейн атолындағы зымыранға қарсы қорғаныс полигонына жеткен.
«Бұл ұшыру – Minuteman III жүйесінің мүмкіндіктерін бағалау мен растау үшін маңызды жоспарлы және мерзімді іс-шаралар сериясының бір бөлігі», – делінген мәлімдемеде.
Ғарыш күштерінің мәліметінше, сынақтар қатаң қауіпсіздік хаттамаларына сай өткізілген және AFGSC үшін құнды деректер жинауға мүмкіндік береді.
