Қаржыгер Расул Рысмамбетов өзінің телеграммдағы арнасында «Қазақтелекомның» сатылуына қатысты ойын білдірді, деп хабарлайды Malim.kz.
Оның пікірінше, компанияны сату арқылы дивиденд төлеу логикалық шешім. Себебі, біріншіден, мемлекеттік бюджет бірінші орында. «Қазақтелеком» ұзақ жылдар бойы мемлекеттен салық жеңілдіктерінен бастап мемлекеттік кепілдіктерге дейін елеулі қолдау алғанын болжауға болады. Дивидендтерді төлеу – бұл осы қаржылық көмектің бір бөлігін мемлекетке қайтарудың мүмкіндігі, сол арқылы әлеуметтік маңызы бар жобаларға қаражат бөлінуі мүмкін. Компания акционерлеріне пайда әкелуі тиіс.
Екіншіден, дивидендтер компанияның болашағына зиян келтірмейді. «Қазақтелеком» – қатардағы компания емес, бұл тұрақты негізі бар институт, өз тұрақтылығын әлденеше рет дәлелдеді. Кәсіби басқарушының болашақта одан әрі өсу мүмкіндіктерін табатынына күмәндануға еш негіз жоқ.
Үшіншіден, экономикалық әділеттілік.
Мемлекет негізгі акционер ретінде табысты мәмілелерден өзінің үлесін алуға толық құқығы бар. Бұл тек экономикаға қолдау көрсету емес, сонымен бірге барлық қазақстандықтың әл-ауқатына қосылған үлес болар еді, дейді экономист Расул Рысмамбетов өз жазбасында.
Айта кетейік, бұған дейін «Қазақтелеком» «МТ-С» ЖШС-ін Катардың PIH холдингіне сату бойынша мәмілені аяқтағанын хабарлаған еді.
Фото: kazakh-telecom.kz
Байланысты жаналықтар
MalimBlocks
