Алматының алма бақтары мемлекет меншігіне қайтарыла ма?

Алматы қаласының Жер ресурстарын басқару департаменті қаладағы алма бақтары мәселесіне қатысты мәлімдеме жасады.

Департаменттің мәліметі бойынша, 2004 жылы «Халықаралық клубтар қауымдастығы» ЖШС Қарасай ауданы аумағынан тауарлы ауыл шаруашылығын жүргізу үшін көлемі 884,9 га жер учаскесіне меншік құқығын алған. Бұл құқық аудан әкімінің шешімімен 2004 жылы берілген.

- Алматы қаласының жер қатынастары басқармасының 2015 жылғы 28 қыркүйектегі бөлу туралы қорытындысы мен 2015 жылғы 30 желтоқсандағы бұйрығы негізінде аталған жер учаскесі 16 учаскеге бөлініп, жаңа кадастрлық нөмірлері берілген. Бұл жер учаскесі арқылы Керенқұлақ өзені мен Берқара өзені ағып жатқанын атап өту маңызды. ҚР Жер кодексінің (2004 жылы қолданыста болған) 132 және 133-баптарына сәйкес су қорының жерлері мемлекеттік меншік болып табылады және тиісті органдардың келісімдерімен уақытша пайдалануға ғана берілуі мүмкін,- делінген депаратменттің хабарламасында.

Яғни, аталған жер учаскесін беру кезінде кезде су айдындары алып жатқан жерлерді беруге тыйым салу бөлігінде жер заңнамасының нормалары ескерілмеген.

Осы ретте Алматы қаласының прокуратурасы «Халықаралық клубтар қауымдастығы» ЖШС мен Қарасай ауданы әкімінің аппараты арасында жасалған мәмілені жарамсыз деп тану туралы талап арыз беріпті.

Фото: agroinvestor.ru