Мемлекеттік қызмет істері агенттігі жалған ақпарат тарап жатқанын мәлімдеді
Агенттік оған сенбеуді және жауап бермеуді сұрайды
Мемлекеттік қызмет істері агенттігі алаяқтардың төраға атынан жалған хабарламалар таратып жатқанын мәлімдеді, деп хабарлайды Malim.kz.
Мемлекеттік қызмет істері агенттігі телеграм және whats app мессенджерлерінде агенттік төрағасы Дархан Жазықбайдың атынан жалған аккаунттар ашу арқылы хабарламалар таратып жатқан алаяқтар туралы ескертеді, деп жазылған агенттік мәлімдемесінде.
Меморган ақпаратына қарағанда, белгісіз адамдар қандай да бір деректерге қол жеткізу арқылы алаяқтық әрекеттер жасауға тырысады. Сондықтан, жіберілген жалған ақпаратқа сенбеуді және жауап бермеуді, сенімсіз сілтемелерге өтпеуді сұрайды.
Фото: stopfake.kz
