Тараз әкімдігінің қызметкерлері 100 млн теңгені талан-таражға салған
Қазір тиісті сараптамалар жүргізіліп, олардың нәтижесі бойынша іс жүргізу шешімдері қабылданады.
Қаржылық мониторинг агенттігі Жамбыл облысының прокуратурасымен бірлесіп, Тараз қаласы әкімдігінің қаржы бөлімінің қызметкерлеріне қатысты бірқатар заңбұзушылықтар бойынша сотқа дейінгі тергеп-тексеруді бастады, деп хабарлайды Malim.kz.
Агенттіктің мәліметінше, әкімдік қызметкерлері мемлекет кірісіне түскен тауарлық-материалдық құндылықтардың есепке алынбағанын пайдалана отырып, ресми құжаттарды қолдан жасау арқылы соттардың үкімдері бойынша тәркіленген коммерциялық жылжымайтын мүлік пен халық тұтынатын тауарларды мекеменің балансынан заңсыз шығарып алған. Олардың заңсыз әрекеттерінен салдарынан мемлекетке келтірілген залал 100 млн теңгеден асады.
Қазір тиісті сараптамалар жүргізіліп, олардың нәтижесі бойынша іс жүргізу шешімдері қабылданады.
ҚР ҚПК-нің 201-бабына сәйкес өзге ақпарат жариялауға жатпайды.
Фото: gov.kz/Қаржылық мониторинг агенттігі
Байланысты жаналықтар
MalimBlocks
