Мирзиёев пен Рахмон ШЫҰ саммитіне қатысу үшін Астанаға келді
Қос Президент те 3-4 шілдеде өтетін Шанхай ынтымақтастық ұйымының саммитіне қатысады.
Шанхай ынтымақтастық ұйымының саммитіне қатысу үшін Қазақстан астанасына келген Өзбекстан Президенті Шавкат Мирзиёев пен Тәжікстан басшысы Эмомали Рахмонды әуежайда Қазақстанның Премьер-министр Олжас Бектенов қарсы алды, деп хабарлайды Malim.kz.
Өзбекстан – 2001 жылы ұйым құрылғаннан бері ШЫҰ-ға қатысушы елдің бірі.
Бүгінгі таңда Өзбекстан – Қазақстанның ірі сауда серіктестерінің бірі. Өткен жылы екі ел арасындағы тауар айналымының көлемі шамамен $4,5 млрд құрады.
Бұл ретте биылғы 4 айда өзара сауда $1,2 млрд-қа жетті.
Біздің республикамыздың Орталық Азиядағы барлық тауар айналымының шамамен 57%-ы Өзбекстанмен байланысты.
Сондай-ақ Премьер-министр Олжас Бектенов Тәжікстан Президенті Эмомали Рахмонды да қарсы алды.
Ол да 3-4 шілдеде өтетін Шанхай ынтымақтастық ұйымының саммитіне қатысады.
Тәжікстан 2001 жылы ұйым құрылғаннан бері ШЫҰ-ның мүшесі. Соңғы 5 жылда тек Қазақстанмен тауар айналымы 48,2%-ға ұлғайып, $1,1 млрд құрады. ШЫҰ аясында да осы кезеңде барлық қатысушы елдер арасында 2019 жылы $42 млрд-тан 2023 жылы $66 млрд-қа дейін аталған көрсеткіштің тұрақты өсуі тіркелуде.
Фото: Үкімет
Байланысты жаналықтар
MalimBlocks
