Орталық сайлау комиссиясында Мәжіліске өткен депутаттарға мандат беріліп жатыр.
Тиесілі мандатын алуға барған су жаңа депутат Ардақ Назаровты журналистер бірнеше сұрақпен қарсы алды. Арадағы диалог былайша өрбіді. «Қаңтарда оқ атуға бұйрық берген және оқ атқан адамдардың анықталуын, жазалануын талап етесіз бе?». Бұл сауалға нақты жауап берудің орнына Назаров «Аман болыңыздар. Алла тағала елге тыныштық берсін» деп қысқа қайырды. «Сайлау әділ өтті ме?» деген сұраққа ол «әділ өткен шығар» деп сенімсіз жауап қатты. Бұдан соң тілшілері оның парламентте нақты қандай мәселені көтеретінін, жоба-жоспарын білгісі келді. Су жаңа депутат «бұрынғыдай» Мәжіліске жастарды тәрбиелеуге бара жатқанын айтты. Айтпақшы, депутат Назаров өзімен бір округтан сайлауға түскен қоғам қайраткері, Рысбек Сәрсенбайұлын танымайтын болып шықты. Әлеуметтің арқасында сайланған спортшы әлеуметтік желіде отырмайды екен.
Ал жап-жаңа Respublica партиясының атынан сайланған депутат Руслан Берденов «алғашқы қадамын» журналистерден қашудан бастады. «Бір сұрақ қоюға рұқсат етіңіз» деген тілшілерден қатты сасып, тұра қашты жалма-жан. Ал олардың өзге әріптестері қойылған сұрақтарға жауап берді.
Байланысты жаналықтар
MalimBlocks
