«Ой... Украина» - Кіші-Буш Иракты әлі ұмыта алмай жүр
АҚШ-тың бұрынғы президент Кіші-Джордж Буш Украинадағы жағдайға байланысты алаңдаушылық білдіріп, соғысқа қарсы екенін айтпақ болып, Украинаның орнына Ирак деп шатасып сөйледі.
«Нәтижесінде қазір Ресейде тепе-теңдік жүйесі бұзылды. Бір адамның мүлдем негізсіз және қатыгез түрде Иракқа басып кіру туралы шешімі.... Ой... Украина дегім келген. Жалпы,…» - деді ол Техаста жұрт алдында сөйлеп тұрып.
Жиналғандар оның сөзіне күле бастады. Кейін Буш «Жасым 75-те» деп өзін-өзі ақтады.
Айта кетейік, Ирактағы соғыс 2003 жылы Джордж Буш Америка президенті болып тұрған кезде басталған. Нәтижесінде диктатор Саддам Хусейн режимі құлады. Соғыс 2011 жылы Барак Обама президент болған кезде тоқтады.
