Президент көлемді мақаласы жазыпты. Мақаласын барлық баспасөз бір үйдің баласындай көшіріп басып жатыр. Тәуелсіздіктің 30 жылдығына қатысты өткен-кеткен, келер күнді ой елегінен өткізгендей. Жерді, шекараны, мемлекеттік тілді, сосын жастардың жағдайын айтады. Жастарға қатысты ойында жаңалық бардай. Мәселен, президент азаттық жылдарында дүниеге келген, әлі танылып үлгермеген талантты жастарды қолдау үшін «Тәуелсіздік ұрпақтары» атты грант тағайындауды ұсыныпты. Басқа басқа грантпен қолдауды меңгердік.
Жас кезінде Мәскеуде оқығанын қиыстыра келіп, президент бүгінде шетелде білім алып жүрген жастардың дені сол жақта қалып қоятынына алаңдаудың қажеті жоқ депті. Жырақта жүрген жастарымыздан айырылып қаламайды екенбіз, олай уайымдауымызға жөн жоқ екен.
«Біздің міндетіміз – олардың бойына мемлекетшілдік рухын сіңіріп, қай жерде жүрсе де туған елдің игілігіне қызмет етуге жұмылдыру. Мысалы, әлемнің ең дамыған елдерінде өз кәсіптерін бастаған және алпауыт компанияларда жұмыс істеп жүрген азаматтарымыздың осындағы замандастарымен байланысын нығайтып, тәлімгерлік етуіне жағдай жасауымыз керек», - депті президент.
Ел ішінде жетіп артылып жатқан білікті әрі білімді өрендерді мемлекет ісіне дайындап жатқанын айтқан Қ.Тоқаев өзінің бастамасымен құрылған «Президенттік кадр резервін» мысалға алыпты. Жобаның келесі кезеңінде қоғам мүддесіне адал көшбасшыларды іріктеуге ерекше назар аударылады екен. Сондай-ақ, билік органдарындағы азаматтар, ең алдымен, ұлттық мүддеге берік болуға тиіс екен!
Байланысты жаналықтар
MalimBlocks
