Ресей президентінің көмекшісі Юрий Ушаков АҚШ президентінің өкілдері Стив Уиткофф және Джаред Кушнермен өткен келіссөздерге қатысқаннан кейін жиын қорытындыларына түсініктеме берді, деп хабарлайды Malim.kz ВВС-ге сілтеме жасап.
Ресейлік ақпарат агенттіктері келтірген Ушаковтың негізгі тезистері төмендегідей:
- Ресей Украина мәселесі бойынша қазіргі уақытта АҚШ-пен ғана келіссөз жүргізіп жатыр;
- Уиткофф және Кушнермен өткен кездесуде Украинаның НАТО-ға мүшелігі талқыланды;
- АҚШ реттеу мәселесінде Ресейдің ұстанымдарын ескеруге дайын;
- Келіссөздер барысына ресейлік армияның майдандағы жетістіктері әсер еткен;
- Кремль Уиткофф пен Кушнермен кездесуді пайдалы деп бағалады;
- Еуропалық мемлекеттер Ресеймен байланыс орнатудан бас тартып отыр.
Ушаковтың айтуынша, америкалық делегациямен өзара келісім бойынша келіссөздердің егжей-тегжейі жария етілмейді. Бұған дейін Ресей президентінің баспасөз хатшысы Дмитрий Песков та осыны айтқан болатын.
