Қаржы нарығын реттеу және дамыту агенттігі қызметінде заңсыздық белгілері бар ұйымдардың тізімін жариялады.
Тізімге агенттік қызметінде заң бұзу белгілерін байқаған 121 субъект, оның ішінде қаржы пирамидасының нышаны бар 56 ұйым және 65 заңсыз инвестициялық делдал (жалған брокер) енгізілген. Мұнда елді алдауы әбден ықтимал әрбір компания бойынша атауы, сайт мекенжайы, заңсыз қызмет сипаты көрсетілген.
«Тізімді жариялау қаржылық қызметтерді тұтынушылардың құқықтарын қорғауға бағытталған және осындай компанияларға байланысты тәуекелдердің уақтылы алдын алуға мүмкіндік береді. Сонымен бірге осындай тізімді қалыптастыру нарықтағы әділ бәсекелестікті қолдауды және заңсыз қызмет белгілері бар субъектілерді тиімді түрде анықтауды қамтамасыз етеді», - дейді құзырлы мекеме өкілдері.
Агенттік қаржы нарығына заңсыз қатысушыларды интернеттегі ақпараттық кеңістікті, блогтар, форумдар, бейнехостингтер және мессенджерлер арқылы әлеуметтік желілерді мониторингтеу; жеке және заңды тұлғалардың өтініштері; азаматтық қоғам институттарын білдіретін мемлекеттік органдармен және қоғамдық ұйымдармен өзара іс-қимыл шеңберінде анықтаған. Ағымдағы жылдың басынан бастап агенттікке күмәнді компаниялардың қызметі бойынша жеке және заңды тұлғалардан 125 өтініш келіп түскені мәлім болуда.
Нәтижесінде күдікті компаниялар туралы тиісті тараптар құлағдар етіліп, сайттарын одан әрі тексеру және бұғаттау үшін құқық қорғау және басқа да уәкілетті органдармен бірлесе әрекет жасалмақ.
Ақшаңызды қымқырып кеткісі келетін қаржы ұйымдарының тізімі осы сілтемеде.
Тәңірберген АРҒЫН
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
