Футболдан 2024 жылғы Еуропа чемпионатының іріктеу сатысындағы алғашқы ойында Қазақстан құрамасы Словениядан ұтылып қалды.
Кездесуді словениялық құрама қарқынды бастаған болатын. Алғашқы минуттарда алаң иелері қақпасы маңында жиі бой көрсетті.Оған қазақстандық футболшылар лайықты қарсылық көрсетті. Доп қақпаға енген жоқ.
Есесіне алаң иелері қатарынан Максим Самородов 24-минутта сол қанаттан Ян Вороговскийдің әуелете берген добын баспен қақпаға кіргізді. Екінші кезеңде словениялық футболшылар таразы басын теңестіруге талпынып бақты.
Нәтижесінде 47-минутта Давид Брекало көздеген нысанадан мүлт кеткен жоқ. Ал 78-минутта Жан Випотник Словенияны алға сүйреді.
Осылайша Қазақстан құрамасы қарсыласына 1:2 есебімен жол берді.
Енді Қазақстан құрамасы алдағы ойынын 26 наурызда елордада Дания құрамасына қарсы өткізеді. Бұл топта Дания - Финляндия, Сан-Марино - Солтүстік Ирландия құрамалары шеберлік байқасады.
Ел құрамасы құрлықтық додада H тобында бәсекеге түседі. Қарсыластары - Дания, Словения, Финляндия, Солтүстік Ирландия және Сан-Марино.
Фото: Sports.kz
