Головкиннің қазақстандық боксшыны жаттықтырып жатқан видеосы тарады

Қазақстандық кәсіпқой боксшы Садриддин Ахмедов Геннадий Головкинмен жаттығуынан видео жариялады, деп хабарлайды Malim.kz. 

Геннадий Садриддинмен шаршы алаңда бірге жаттығу жасап, ақыл-кеңесін берді. Қай кезде қалай қорғанып, қай сәтте соққы жасау керектігін көрсетті.

Ағатай, айып етпе. Еліміз үшін бұл видеоны жариялауға міндеттімін деп санаймын. Баға жетпес кеңесіңіз үшін көп рақмет, аңыз адам, - деп жазды Садриддин Ахмедов. 

Геннадийдің қамқорлығына риза болған жұрт танымал боксшының салмақ қосқанын да байқаған.

«Салмақ қосыпты», «Қарын шығыпты», «Генаның іші өзіме ұқсап қалыпты», «Генаның жолын берсін», - деген секілді пікірлер жазылған.