Көшпенділер ойынына Атырау облысынан қанша спортшы қатысады?
Спортшылар республикалық жарыстарда үздік атанған
Атырау облысынан V Дүниежүзілік көшпенділер ойындарына 3 спортшы қатысады.
Атырау облыстық Дене шынықтыру, спорт және туризмді дамыту басқармасы басшысының міндетін атқарушы Нұржауған Төлеуованың айтуынша, спортшылар республикалық чемпионатта үздік атанған.
Сонымен Астанада өтетін V Дүниежүзілік көшпенділер ойындарына спортшылар кімдер?
Нұржан Сәрсенғалиев жасы – 20-да. Ол – алыш күресінен ел чемпионатында жеңімпаз атанған.
Арман Қошқаров – құсбегіліктен спорт шебері, Қазақстан чемпионатының жеңімпазы. Біраз жылдан бері саятшылықты серік етіп келеді.
Марат Бексұлтан – спорт шебері, дәстүрлі садақ атудан ел чемпионаты мен бірнеше халықаралық турнирдің жеңімпазы.
Айта кетейік, көшпенділер ойындарына өңірден 3 киіз үй тігіледі. Киіз үйлерде жергілікті мұражайдың жәдігерлері қойылып, ұлттық салт-дәстүр таныстырылады.
Фото: Gov.kz
