Шавхат Рахмоновтың ирландиялықпен чемпиондыққа таласы ресми бекітілді
Жекпе-жек 8 желтоқсанға жоспарланған
Қазақстандық аралас жекпе-жек шебері Шавхат Рахмонов 8 желтоқсанда Лас-Вегаста UFC 310 турнирінде уақытша чемпиондық атақ үшін жекпе-жек өткізеді. Оның қарсыласы – ирландиялық жеңілмеген файтер Иан Машадо Гэрри, деп хабарлайды Malim.kz.
Ирландиялық спортшы жартылай орта салмақта өнер көрсетеді. Ол UFC-ге 2021 жылы дебют жасап, сол уақыттан бері 15 жекпе-жек өткізіп, бәрінде жеңіске жеткен.
Жекпе-жек 5 раундқа жоспарланған.
Бұған дейін Шавхат Рахмонов UFC чемпионы Біләл Мұхаммадпен жекпе-жекке шығуы тиіс болған. Алайда, денсаулығына байланысты тегі палестиналық спортшы бұл кездесуден бас тартты. Сол себепті басты жекпе-жектің орнына Рахмонов пен Гэрридің айқасы ұйымдастырылып отыр.
Фото: instagram/ufc
