Болашақ бейбіт келісімнің ықтимал параметрлеріне қатысты Украина мен АҚШ арасындағы консультациялар алдағы күндері Швейцарияда өтеді, деп хабарлайды Malim.kz. DW-ге сілтеме жасап.
Владимир Зеленский делегация құрамын бекітті, оны Андрей Ермак басқарады.
Алдағы күндері Швейцарияда Украина мен АҚШ-тың жоғары лауазымды өкілдері болашақ бейбіт келісімнің ықтимал параметрлері жөнінде консультациялар бастайды. Бұл туралы сенбі, 22 қараша күні Украина Қауіпсіздік және қорғаныс кеңесінің (ҚҚК) хатшысы Рустем Умеров Telegram-да жазды.
“Украина бұл процеске өз мүдделерін айқын түсініп келеді. Бұл соңғы күндері жалғасып жатқан диалогтың кезекті кезеңі және ең алдымен, алдағы қадамдардың ортақ көрінісін келісуге бағытталған”, – деп ол атап өтті.
Киев өз мүдделерін қорғауға дайын
Умеровтің айтуынша, Киев АҚШ тарапын және мазмұнды әңгімеге дайындығын жоғары бағалайды. “Украина ұлттық қауіпсіздігіміз талап еткендей, жауапкершілікпен, кәсіби және бірізді түрде әрекет етуді жалғастырады”, – деп түйіндеді Рустем Умеров.
Бастапқыда Умеровтың жазбасында келіссөздерге ЕО елдерінің өкілдері де қатысатыны айтылған, алайда кейін хабарлама түзетілді.
Украина Президенті кеңсесі 22 қараша күні Twitter-де соғысты аяқтауға қатысты консультациялар алдағы күндері өтетінін растады.
“Украина ешқашан бейбітшілікке кедергі болмайды, украин мемлекетінің өкілдері украин халқының әділетті мүдделерін қорғайтын болады”, – делінген хабарламада.
