Израиль тарапының мәліметінше, ел ұшақтары Иран аумағындағы нысандарға соққы жасауды жалғастырып жатыр, деп хабарлайды Malim.kz.
БАҚ деректеріне сәйкес, израильдік шабуыл салдарынан Иранның қорғаныс министрі Азиз Насирадзе, сот жүйесінің басшысы Голям Хоссейн Мохсени-Эджеи және армияның бас қолбасшысы Амир Хатами қаза тапқан.
Иранның жауабы
Ислам революциясының сақшылары Тель-Авив пен Вашингтонның әрекеттеріне жауап ретінде Израиль аумағына зымырандар мен ұшқышсыз аппараттар жіберілгенін мәлімдеді.
Иранның вице-президенті ел президенті қауіпсіз жерде екенін растады.
Ал Иран АҚШ пен Израильдің әскери және азаматтық нысандарға соққы жасағанын айтып, мұны ел егемендігін бұзу деп атады.
NBC мәліметінше, Иран Таяу Шығыстағы АҚШ-тың бірқатар әскери нысандарына да қарымта соққы беріп жатыр.
Аймақтағы базаларға соққы және жарылыстар
Mehr News Agency ақпаратынша, Катар, Кувейт, БАӘ және Бахрейндегі америкалық базаларға зымыранмен соққы жасалғанын хабарлады.
Сондай-ақ Бахрейндегі АҚШ-тың Бесінші флотының қызмет көрсету орталығы атқыланғаны айтылды.
Дохада жарылыстар естілген. Ал Qatar тарапы өз бағытына ұшырылған барлық зымырандардың атып түсірілгенін мәлімдеді.
Reuters Абу-Даби мен Дубайда жарылыстар болғанын хабарлады. Сонымен қатар Association of Tour Operators of Russia (АТОР) мәліметінше, Аль-Дхафра авиабазасына жасалған соққыға байланысты БАӘ-дегі туристерге қауіп жоқ, себебі нысан жағалаудан алыс орналасқан.
Әуе кеңістігінің жабылуы
Израиль жағдайдың ушығуына байланысты 70 мың резервисті әскерге шақырғанын мәлімдеді.
Әуе кеңістігі тек Израиль мен Иранның үстінде ғана емес, сонымен қатар Катар, Бахрейн, Сирия және Ирак аумағында да жабылды.
Аймақтағы жағдай шиеленісті күйінде қалып отыр және оқиғалар жалғасып жатыр.
