Бұдан бұрын, Ресей Федерациясының қауіпсіздік кеңесінің жиынында сол елдің сыртқы істер министрі Лавровтың болмауы түрлі жорамал тудырып жатқанын жазған болатынбыз.
Лавров содан бері әлі көрінген жоқ.
Topnews.kg басылымы әлеуметтік желілерде Лавровтың шетелге, оның ішінде - АҚШ-қа қашып кеткені туралы сыбыс тарағанын жазыпты. Қаңқу әңгіменің күшейгені сонша, бұл туралы Ресей президенті Владимир Путиннің баспасөз хатшысы Дмитрий Песков:
Мұндай хабарламала шындыққа жанаспайды, -
деп мәлімдеме жасауға мәжбүр болыпты.
Өз кезегінде, malim.kz тілшісі әлеуметтік желілерде Лавровқа байланысты басқа да пікірлер барын айтады. Мысалы, мұндай лауазым иесінің әрбір қадамы бақыланатыны соншалық, Лавровтың бөтен елге қашуға мүмкіндігі тіпті жоқ деген пікірлер бар.
