Бүгін Мәжілістің жалпы отырысында депутат Бақытжан Базарбек Ғылым және жоғары білім министрі Саясат Нұрбектің баяндамасын тыңдаған соң сөз саптауына сүйсінді.
«Шіркін, біздің министрлер сіз сияқты қызыл тіл, суырып салма шешен болса, барлық сұраққа жауап алатын едік. Әдемі өлең сияқты сізді тыңдап отырмыз», - деді депутат.
Министрінің баяндамасынан соң сөз алған Бақытжан Базарбек сейсмология институтын Ғылым және жоғары білім министрлігіне қайтаруды ұсынды.
