Шығыс Қазақстан облысында алаяқтық жасағаны үшін 14 жыл бойы іздеуде болған әйел Алматыда қолға түсті, - деп хабарлайды Malim.kz.
Белгілі болғандай, қылмыскер Өскемен қалалық полициясынан ұзақ жыл бойы жасырынып жүрген.
32 жастағы әйел алаяқтық жасағаны үшін іздеуде болған. Ол құқық қорғау органдарынан 14 жыл бойы жасырынып келді. Полицейлер оны Алматы қаласынан тапты. Қазіргі уақытта әйел адам сол жақтағы полиция департаментінің уақытша ұстау изоляторына қамалды, - деп хабарлады ШҚО ПД баспасөз қызметінен.
Айта кетейік, 2025 жылдың басынан бері тәртіп сақшылары іздестіру шаралары барысында бес қылмыскерді ұстаған. Олардың екеуі бұрын жасаған қылмыстары үшін іздеуде болған.
Фото: ШҚО ПД баспасөз қызметі
